Wuuno omuwala eyasalawo okulima enva endiirwa mu bukutiya mu kiseera ky'omuggalo

Janat Namutebi 25 omutuuze w'e Bulenga mu Gogonnya ku lw'e Mityana ekiseera kya kkalantiini akimaze alima nva endiirwa mu luggya lwe.

 Janat Namutebi ng'alaga obucupa mw'alimira





 


BYA JOANITA NANGONZI

Okutuuka okusalawo bwati ensi yamala kumubijjirira nga balangiridde kkalantiini. Namutebi agamba\; "Obulamu bwange bwonna mbadde nkola gwa kutunda  byamikono  ku  National Theatre mu Kampala  okumala emyaka egisukka mu etaano.

Pulezidenti bwe yalangirira kkalantiini eyasibira abantu awaka nga tebakola, omulimu gwange gwafa   nga ne gye mbeera e Bulenga teri bantu basobola kungulako.

ENGERI GYENAFUNAMU EKIROWOOZO EZ'OKULIMA ENYANNYA NENVA ENDIRWA.

Olumu nali nneebase mukwano gwange n'ankubira essimu era bwe yawulira nga njogera nga ali mu buliri kwe kumpa amagezi okutandika okulima ennyaanya mu kifo ky'okwebaaka.

Saasooka kukiteekako mwoyo wabula natandika okutereka obusigo bw'ennyaanya  buli  lwe nafumbanga okutuuka bwe zaaweera ne nzisimba.

Abantu abandaba  nga nnimye ennyaanya bampa amagezi okulima enva endirwa ez'enjawulo.

Kati n nima  ebijanjaalo ebiranda ,entula ,bbiringannya ,katulunguluccumu ,ddoodo ew'ebika ebisatu, nnakati sukuma wiiki ,ebbugga ,obutungulu n'ebirala.

NNIMIRA MU BINTU EBY"ENJAWULO

Olwokuba ebirime bingi ate nga we nnimira wafunda kuba  ndi ku bugazi bwa  40 kwa 30  nnimira mu bintu eby'enjawulo.

Nimira mu  bukutiya ,ebidomola, obucupa obw'amasanda ,obuveera  ,obukebe n'ebirala bwe bityo.

Wadde nnaakandika okulima nfuna abantu abangulako enva  naddala Nnakati ne sukumawiiki.

Ndi mumalirivu okutwala omulimu guno mu maaso ne bwe nnaaba nga nzizeemu okkukola.