Akalulu ka Gabula Ssekukkulu kalondebwa leero

LEERO ku Mmande akalulu ka Gabula Ssekukkulu lwe kagenda okukwatibwa ku kitebe kya Vision Group okusunsulamu abawanguzi abagenda okwewangulira ebirabo ebyassava.

Abamu ku baafuna ebyassava bya Gabula Ssekukkulu omwaka oguwedde.

LEERO ku Mmande akalulu ka Gabula Ssekukkulu lwe kagenda okukwatibwa ku kitebe kya Vision Group okusunsulamu abawanguzi abagenda okwewangulira ebirabo ebyassava.

Enkoko za Ugachick nga bwefaanana.

Michael Ssebbowa Mukasa owa Bukedde avunaanyizibwa okutegeka akalulu kano yagambye nti, mu birabo ebigenda okuwangulwa mulimu enkoko za Ugachick, Wine wa Mary and Jesus, enkota z'amatooke, omuceere n'ebirungo byonna ebifumba. Akalulu kagenda kukwatibwa ku ssaawa 5:00 ez'omu ttuntu nga kalagibwa butereevu ku Bukedde ttivvi nga ne Bukedde FM bwe babiweereza.

Amannya g'abawanguzi gonna gajja kufulumira mu lupapula lwa Bukedde w'Olwokubiri era tosaanidde kumusubwa si kulwa nga bakutwalako ebya ssava nga totegedde. Abawanguzi bajja kukwasibwa ebirabo ku Lwokusatu nga 23, 2020 okutandika ku ssaawa 4:00 ez'oku makya.

Ebirabo bijja kugabibwa ku kitebe kya Vision Group e Lugogo mu Kampala. Ssebbowa yeebazizza bonna abeetabye mu kalulu. Abanaaba tebawangudde yabasabye obutaggwaamu maanyi kuba ekisinga obukulu kwe kwongera okufuna ebirungi ebiri mu lupapula lwa Bukedde.

Olupapula lwa Bukedde lufulumya amawulire agayigiriza era agazimba okugeza eby'enjigiriza, eby'obulamu, ebyobulimi, emboozi z'amaka n'ebirala bingi. Keefunire ku shiringi 1000 lwokka buli lunaku. Akakonge k'akalulu ka Gabula Ssekukkulu kamaze emyezi ebiri nga kafulumira mu lupapula lwa Bukedde buli lunaku.

Abantu babadde basalamu obukonge ne babujjuza n'oluvannyuma ne babuweereza ku kitebe kya Vision Group ate abalala ne babwereetera.