Ensonga za Federo, Mmengo yeemulugunya okulwawo okuddamu okuziteesaako

MINISITA wa gavumenti ezeebitundu e Mmengo, Jolly Lutaaya agambye nti agenda kulaba ng’abaami baanjulwa ku mikolo gy’Obwakabaka wonna we ginaaba gitegekeddwa nabo Ssaabasajja abalabeko.

MINISITA wa gavumenti ezeebitundu e Mmengo,  Jolly Lutaaya agambye nti agenda kulaba ng’abaami baanjulwa ku mikolo gy’Obwakabaka wonna we ginaaba gitegekeddwa nabo Ssaabasajja abalabeko.

“Ensonga y’abatongole, abaami okuvaayo Kabaka abalabe ku mikolo gy’Obwakabaka, nja kufuba okulaba nga kiteekebwa mu nkola nammwe mufune amaanyi nga muweereza,” bwe yategeezezza.

Okwogera bino yabadde adda mu kusaba kw’omwami w’eggombolola ya Mumyuka Nakawa, Ahmed Matovu eyasabye nti abaami nabo banjulwenga ku mikolo Kabaka kw’abeera naddala abo ab’omu kitundu ekiba kikyazizza, nga bwe kikolebwa ku ba LCI bwe bavaayo ne boogera nga Pulezidenti akyadde awantu.

Ku mukolo guno ogwabadde ku kitebe kya munisipaali y’e Nakawa wiiki ewedde, abaami 240 baatuuziddwa  ne baweebwa amabaluwa okuweereza Obwakabaka mu ggombolola ya Mumyuka Nakawa.

Kaggo Tofiri Kivumbi Malokweza yategeezezza nti essaza ligenda kuddamu okuwa abaami bano bonna emisomo okusobola okukulembera obulungi abantu era n’asaba minisita nti enkola y’obukulembeze bw’abaami okutuukira ddala wansi mu byalo egende ne mu bitundu ebirala wonna.

Ye Mumyuka Ahmed Matovu yasabye abantu b’e Nakawa bakkirizibwe okulongoosa olubiri lwa Kabaka e Banda ng’ab’e Lubaga bwe balongoosa olw’e Mmengo.

Ggombolola y’e Nakawa erimu emiruka 14 okuli; Mutungo, Nagulu, Mbuya, Luzira n’emirala.
                   
 

Ensonga za Federo, Mmengo yeemulugunya okulwawo okuddamu okuziteesaako