Omuyimbi Ssebbaale atuuyanidde ku poliisi

By Musasi wa Bukedde

Omuyimbi Ssebbaale atuuyanidde ku poliisi

Seb1 350x210

OMUYIMBI wa kadongo kamu  Fred Ssebaale bamukutte ng'avuga talina pamiti n'atuyaanira ku Poliisi y'e Kammengo.

Ssebbale okkwatibwa kidiridde Poliisi y'ebidduka e Kammengo ng'eri wamu ne nnawunyi okkola ebikwekweto ku ba dderreva ab'ebicupuli era nga muno ssebbale mwebamuyooledde ng'agenda e Masaka okuyimba ne yeegayirira bamute kubanga obudde bumuggwako ate alina okutuuka e Masaka gy'alina okuyimbira mu kivvulu.

 Ssebaale nga yakwakwatibwa asoose kulimba poliisi nti pamiti agyerabidde waka kyokka poliisi bwemututte mu ofiisi ya OC w’ebidduka n'alaba ng’obudde buziba n'atandika okulaajana nti ekivvulu kifa era nakkiriza nti tabangako na pamiti naye bamuyambe bamute agende ayimbire abawagizibe mu bitundu bye Masaka bwakomawo agenda kukikolako afune ebisaanizo byonna kyokka ne beerema.

 Oluvannyuma Ssebaale alabiddwako ng’akuba ssimu ez’okumukumu ng'asaba banne bamuyambe wabula natayambibwa era okukakkana nga poliisi emunywezezza.

Ssebbaale akwatiddwa ssaawa nga 11 ezakawungeezi  ng’ali mu motokaye eyekika kya Ipsum namba UAM 867S kyokka bwezibadde ziwera nga sawa emu eyakawungeezi nga poliisi ekyamukunya natandika okulajaana nti ekivvulukye kituuse okuyiika neyegayirira poliisi bamusonyewe naye ekituufu tafunangako pamiti.  

Obudde bugenze okuziba nga Ssebaale entuuyo atuuyana bwezikala gattako omuyimbi omulala omukazi gwabadde naye gwe yayimbanaye oluyimba “maama kabina “ ngali mu maziga ebyeru ng’alaba mukamaawe tavaayo munda gye bamuyingizza