Awadde ebiragiro ku nkozesa ya sitampu

By Moses Lemisa

Awadde ebiragiro ku nkozesa ya sitampu

Me1 350x210

MEEYA w’e kawempe awadde ba ssentebe  b’ebyalo ebiragiro  okukomya okukozesa sitampu ezisukka mu emu ku biwandiiko ebitongole  kyagamba nti kyekiviiriddeko obumenyi bw’amateeka  n’agamba nti agenda kukola enteekateeka ezifunira buli kyalo sitampu entongole.

Sserunjoji alaze obwennyamivu olw’okuba ng’obukiiko bwa  LC 1 obusinga tebukyawera olw’abakulembeze okufa oba okusenguka nga n’abamu ku bakulembeze tebakyafaayo kutuukiriza buvunaanyizibwa bwabwe eky’ongedde obumenyi bw’amateeka .

Sserunjogi yasinzidde mu lukiiko  mwe yasisinkanidde ba ssentebe b’ebyalo  119  ebisangibwa mu kawempe  okukubaganya ebirowoozo ku kusomoozebwa okuli mu bitundu byabwe n’okutemera awamu empenda z’okubuvuunuka e Mulago ku Lwokuna.

Sserunjogi ategeezezza  mu bbanga ly’amaze mu ofiisi alabye  sitampu ez'enjawulo nga zikola ku kyalo kimu nga wano we yasinzidde n'ategeezza nti bali mu ntekateeka okukola sitampu ya  munisipaali ejja okukozesebwa ku buli zooni nga kino kijja kumalawo sitampu ezibba abantu

Ensonga ya munisipaali okufuna sitampu ey'enjawulo ba ssentebe baakiwagidde nga bagamba nti kituufu waliwo bannaabwe abaaliko ne bagobwa olw'emivuyo egitali gimu nga bano  baakozesa sitampu ezaabwe ez'enjawulo nga bazikozesa okufunamu ssente nga bano be basinze okwongera obumenyi bw’amateeka mu kitundu . .