Akatale ka Napier e Jinja Kayidde

By Musasi Wa

AKATALE ka Napier akali okumpi ne Paaka ya bbaasi mu kibuga Ky’e Jinja, kayidde ebintu by’abasuubuuzi ebibalirirwaamu obukadde bw’ensimbi n’ebitokomoka.

2011 10largeimg203 oct 2011 023032960 350x210

Bya TONNY NSOONA

AKATALE ka Napier akali okumpi ne Paaka ya bbaasi mu kibuga Ky’e Jinja, kayidde ebintu by’abasuubuuzi ebibalirirwaamu obukadde bw’ensimbi n’ebitokomoka.

Omuliro gwatandiise ku ssaawa 5.00 ez’ekiro nga kisuubiirwa nti gwavudde ku ssigiri eyalekedwaako omuliro nga abafumbi b’emmere abakolera mu katale kano mu kiro ekyakeseeza Olwassande.

Omuliro gwatankidde wano ne gwokya obuyumba, wadde abazikiriza omuliro baleese mmotoka ttaano, kyokka wegwazikiridde ng’obuyumba 100 busirisse.

Peter Wakyemba akulira ekifo kino yategeezezza nti abantu abasukka mu 110 be baafiiriidwa ebintu byabwe.

Ssentebe wa NRM mu Musipaali, Moses Kaliisa Kalangwa ye yasoose okuduukirira abasubuuzi bwe yabawadde emitwalo 50 zibayambe okuzzaawo emidaala gyabwe.

Yabasuubiiza nti gavumenti egenda kubasindikira Minisita balabe engeri y’okubakwatizaako ku kizibu ekyabatuseeko.

Akatale ka Napier e Jinja Kayidde