Babakutte n’amasanga ga bukadde 120

By Joseph Makumbi

Okusinziira ku Laban Muhendo omwogezi w’ekitongole kya NRCN, Tumwebaze ne munne baabakwatidde ku Mackie’s Restaurant e Kamwokya we baabadde balindidde omuguzi.

Masanga1 350x210

Bya JOSEPH MAKUMBI NE HENRY KASOMOKO

EKITONGOLE kya gavumenti ekirabirira ebyobugagga by’eggwanga ekya National Resource Conservation Network (NRCN) kikutte ababadde bakukusa amasanga g’enjovu agabalirirwamu obukadde 120.

Abaakwatiddwa ye Richard Tumwebaze 27, maneja w’ebbaala emu e Ntebe ne Julius Mugume 40, omuserikale w’eggye erikuuma pulezidenti nnamba 74405SFCB.

Baasangiddwa n’amasanga mu kakutiya aka kyenvu ebitundutundu 12 ebibalirirwamu obukadde 120 nga gaweza kkiro 30.

Okusinziira ku Laban Muhendo omwogezi w’ekitongole kya NRCN, Tumwebaze ne munne baabakwatidde ku Mackie’s Restaurant e Kamwokya we baabadde balindidde omuguzi.

Bagguddwaako omusango gw’okukukusa ebintu ebimenya amateeka ku SD 59/17/05/2016 ku poliisi ya Kira Road.