Obadde okimanyi nti ebanjibwa obuwumbi 11,319?

By Musasi wa Bukedde

OMWOGEZI wa Minisitule y’Ebyensimbi, Mugunga era yakakasizza nga Minisitule bw’eyise ababanja Gavumenti ya Uganda okwewandiisa, gavumenti esobole okumanya omuwendo omutuufu ogw’abagibanja ne ssente ze babanja basobole okusasula nga Pulezidenti bwe yalagidde.

1 350x210

OMWOGEZI wa Minisitule y’Ebyensimbi, Mugunga era yakakasizza nga Minisitule bw’eyise ababanja Gavumenti ya Uganda okwewandiisa, gavumenti esobole okumanya omuwendo omutuufu ogw’abagibanja ne ssente ze babanja basobole okusasula nga Pulezidenti bwe yalagidde.

Minisita w’Ebyensimbi, Matia Kasaija, bwe yabadde asoma bajeti y’eggwanga, yategeezezza nti Gavumenti erina ebbanja lya buwumbi 29,984 olw’abagibanja munda n’ebweru w’eggwanga.

Ku bbanja ery’obuwumbi 29,984, ensimbi obuwumbi 11,319 ze zibanjibwa gavumenti munda mu ggwanga wabula Kasaija, mu bajeti yataddemu obuwumbi 111 zokka okusasula ku bbanja ery’obuwumbi 11,319.

Kino kitegeeza nti ababanja gavumenti munda mu ggwanga bagenda kusasulwa obuwumbi 111 zokka ng’olukalala lwa kkampuni 66 ezigambibwa okuba nti bannyinizo amabanja gabatuuse mu bulago, baalaga nti baagala ebafunira obuwumbi 1,300 basasule amabanja agaabwe ku bwabwe. Ssente zino zisingira wala obuwumbi 800 ezassibwa mu byobulimi n’obulunzi mu mbalirira y’omwaka gw’ebyensimbi guno eyasomwa omwezi oguwedde.