Ekinnya ky’e Namuηηoona kyeraliikiriza abatuuze

By Benadino Kate

ABATUUZE b’e Namuηηoona ku luguudo lw’e Hoima beeraliikirivu olw’oluwonko olulidde ekkubo.

Enzito1 350x210

ABATUUZE b’e Namuηηoona ku luguudo lw’e Hoima beeraliikirivu olw’oluwonko olulidde ekkubo.

Abantu abatambulira ku kkubo nga tebamanyi luwonko luno kyangu okuluggwamu Waliwo oluwonko oluli ku kkubo erigenda ku luzzi lwa Nabirye ne ku Bbawalakata.

Edward Luyima abeera ku Muvule Zooni, yategeezezza nti bamaze ebbanga nga balaajanira abakulembeze baabwe bazibe omwala kyokka nga tebafaayo.

Abantu basiiwuuse empisa, bwe balabye oluwonko luno ne basalawo okusuulamu kasasiro nga kati waliwo okutya nti abantu abaliraanyeewo bandirwala endwadde eziva ku bucaafu.

Ssentebe w’e Namuη− ηoona Zooni1, David Male yagambye nti, ekizibu ky’omwala guno kibeeraliikiriza era ne basaba be kikwatako okukisalira amagezi.

Yagambye nti balina n’obuzibu bw’enguudo okuli oluva ku Munaku akutuuka ku Nakibinge n’okugenda ku National Housing.

Moses Ssempa, Town Clerk w’e Lubaga yategeezezza nti ebifa ku kifo kino babimanyi era bagenda kutandika okulongoosa amakuba nga n’agamu bagenda kugasaamu koolaasi.