Gen. Kale Kayihura asisinkanye owa Rwanda

By Ali Wasswa

OMUDUUMIZI wa poliisi mu ggwanga Gen. Kale Kayihura alaze obutali bumativu olw’engeri ebyokwerinda n’okulwanyisa obumenyi bw’amateeka gye bikwatiddwaamu mu Afrika n’agamba nti kino kye kiuvuddeko obumenyi bw’amateeka okweyongera.

Kayihura 350x210

OMUDUUMIZI wa poliisi mu ggwanga Gen. Kale Kayihura alaze obutali bumativu olw’engeri ebyokwerinda n’okulwanyisa obumenyi bw’amateeka gye bikwatiddwaamu mu Afrika n’agamba nti kino kye kiuvuddeko obumenyi bw’amateeka okweyongera.

Gen. Kayihura eyabadde ku Lake View Hotel e Mbarara ku Lwokuna yagambye nti “ twetaaga okwongera amaanyi mu kulwanyisa obumenyi bw’amateeka kuba buli olukya bukyuka olwa tekinologiya ayongera okukula nga abalwanyisa obumenyi bw’amateeka balina okutendekebwa mu ngeri ey’enjawulo”.

Yabadde asisinkanye omuduumizi wa poliisi y’e Rwanda, Emmanuel Gasana n’amutegeeza nti bagezezzaako okulaba ng’abamenyi b’amateeka tebeeyambisa ggwanga lyabwe era ng’abeera azizza omusango bamuzzaayo gy’aguddizza n’avunaanibwa.

Gasana yasiimye enkolagana gye balina ne Uganda n’agamba nti eyambye okunyweza omukago wakati w’ebitongole byokwerinda ku njuyi zombi.