Kahima owa NRM awangudde e Ruhama

By Musasi wa Bukedde

MOSES Kahima owa NRM yalangiriddwa ku buwanguzi bwa konsitityuwensi y’e Ruhaama oluvannyuma lw’okuwangula banne abasatu b’abadde avuganya nabo.

Dthxnxowaaaycc3jpglarge 350x210

Robert Beine, akulira ebyokulonda mu disitulikiti y’e Ntungano ye yalangiridde Kahima ku buwanguzi ku ssaawa 6:25 ez’omu ttumbi mu kiro ekyakeesezza Olwokutaano.

Ku balonzi 50,073 abaalonze, Kahima yafunyeeko 31,102 n’addirirwa Eng. Jackson Mubangizi Kabeikire eyafunye 16,345, Dr. Peninah Beinomugisha yafunye 2,103 ate Vastine Orishaba Byarugaba n’abuukayo n’obululu 523.

Ssentebe w’akakiiko k’ebyokulonda Simon Byabakama yakubirizza Kahima okugatta abantu bonna omuli ne be yawangudde, basobole okukulaakulanya ekitundu.

Oluvannyuma lw’okulangirirwa ku buwanguzi, Kahima yategeezezza nga bw’agenda mu Palamenti ng’agenze kutwala ndowooza za bantu b’e Ruhaama bonna kuba kati ly’eddoboozi lyabwe.

Okulonda kuno kwadiddwaamu oluvannyuma lwe yali omubaka we Ruhaama mu disitulikiti ye Ntungamo, William Beijukye Zinkuratire okufa mu November wa 2017.