Omuyimbi bamuggalidde lwa kutuntuza muganzi we olutatadde

By Musasi wa Bukedde

OMUYIMBI w’ennyimba z’eddiini aggaliddwa ku poliisi nga kigambibwa nti abadde agufudde mugano okukunga n’okutulugunya muganzi we.

Yimba 350x210

Bya STEVEN KIRAGGA

Shafik Muwonge amannyiddwa nga Mr. Digital, ye yaggaliddwa ku poliisi oluvannyuma lwa muganzi we Mariam Nanyanzi okumuloopa n’amulumiriza okumukuba n’omutulugunya ng’ekyasinze okumunyiiza kwe kwasa essimu ye ng’agamba nti abasajja abagikubako babadde baagala kumukwana.

Omuyimbi ono ye yayimba, Katonda omusufu, ekisodde ky’e Makindye n’endala nga zonna zitendereza Katonda.

OMUKAZI AYOGEDDE

Nanyanzi agamba nti; “Twabadde mu nnyumba yaffe e Kawaala, Muwonge n’assaako ennyimbi ng’aziddihhana. Bwe namugambye nti nzikooye akyuseemu, olutalo we lwavudde.

Yatandikidde ku kunvuma olwo n’alumba n’abaabadde mu nnyumba n’atandika okubayombesa.

Ekyavuddemu kwe kukuba buli obwedda amusala mu maaso”. Yategeezezza nti ebbanga ly’amaze ne Muwonge ennaku gyamulabizza tegambika.

Ekisinga okumuluma kwe kumuswaza mu bantu ng’amukuba n’okumuvuma.

Yagambye nti tayinza kumusonyiwa ne bwe yeetonda kuba buli ky’akola akimanyi era akikozesa bujoozi kye kiseera poliisi emukangavvule.

N’agamba nti ekisinga okumunyiiza kwe kuba nga tayagala kukola newankubadde nga bazadde be baagala akole.

Muwonge bwe yatuuse ku poliisi ne yeetondera Nanyanzi kyokka n’atamusonyiwa.