Eyeeyita Paasita bamukutte ne munne nga bawamba omwana e Kanyanya

By Sarah Zawedde

ABASAJJA babiri okuli n’eyeeyise omubuulizi w’enjiri bakwatiddwa lubona nga bagezaako okuwamba omwana okuva ku dduuka lya bazadde be.

Kuwamba1 350x210

David Nsubuga eyeeyita omusumba ng’abuulira njiri e Wandegeya ow’e Nsooba ne Moses Mwesigwa asiika ebyokulya ku luguudo lwa Mambule ng’abeera Wampamba mu Kanyanya baakwatiddwa lubona nga bawamba Taliki Walugembe 4, asoma nassale ku ssomero lya Bubbles e Kanyanya.

Isma Kalema nga ye taata w’omwana agamba nti yasanze Nsubuga akutte mutabani we omukono amuwalabanya kyokka ng’omwana agezaako okuwalira.

Kalema yagambye nti Walugembe yasoose kubeera mu dduuka ne maama we mu Kitala zooni e Kanyanya n’afuluma ng’azannya yekka.

“Nange nabadde ku dduuka eddala we nkolera kwe kutambula ne nneetoloola emabbali gye nagwiridde ku Nsubuga ng’alina ekisawo ng’awalabanya omwana wange.

Nakubye enduulu eyasombodde abantu abaazingizza abasajja bano abaabadde badduka.” Atwala poliisi ya Kanyanya, Arison Arinda yagambye nti bagguddwaako omusango ku fayiro SD: 34/14/06/18.