Ekibiina ekigatta bannaddiini kivuddeyo ku bya Bobi Wine ne banne

By Scovia Babirye

EKIBIINA ekitaba bannaddiini muggwanga( Inter-Religious Council) nga kikulembeddwamu Mufti wa Uganda, Shiekh Shaban Ramadhan Mubajje kirabudde Pulzidenti Museveni okwegendereza abantu abamuwa amawulire kuba abasinga bamuwabya ekintu ekiyinza okumuviirako obuzibu.

Mubajje 350x210

Bya SCOVIA BABIRYE

Ono asinzidde ku kiwandiiko Pulezidenti Museveni ky'afulumizza nga kiraga nti omubaka Zaake yadduse mu kaduukulu ka Poliisi ate nga mu kusooka bamwegaana nti tebamulina.

Mubajje ategeezezza Gavumenti nti abantu abakwatibwa  balina okuweebwa omukisa okulaba abantu baabwe, baweebwe obujjanjabi ate bayisibwe bulungi ng’abantu abalala kuba eryo ddembe ly’abwebange si lyakumala kusaba oba kusaba muntu mulala kuba n’omukka tewali agusasulira .

‘’Tugenda kubiteekamu engatto tugenda mu Arua tulabe ekyaviirako obuzibu  n’ebyogerwa oba bituufu  wamu n’okulaba woteeri eyogerwako omwali emmundu ze bagamba naye kijja kutwewunyisa nnyo bwe tunaasanga nga wooteeri eyogerwako ekola ate nga y'ensibuko y’obujulizi,’’ Mubaje bw’ategeezezza. 

Ono asabye Gavumenti okuwa ababaka ba Palamenti ekitiibwa wamu n'abawagizi baabwe, okukomya okukozesa amaanyi agayitiridde nga bakkakkanya abantu wamu n'okuwanga ssemateeka ekitiibwa  kuba akkiriza  Bannayuganda okukozesa eddembe lyabwe.