Kkooti egobye okusaba kwa Troy ku by'okutta Moze Radio

By Musasi wa Bukedde

kkooti eganye okusaba kwa Godfrey Wamala agambibwa okutta omuyimbi Mowzey Radio okweyimirirwa

Troy 350x210

KKOOTI enkulu mu Kampala egobye okusaba kw’omuvubuka Godfrey Wamala agambibwa okutta omuyimbi Mowzey Radio okweyimirirwa ku misango gy’obutemu gyavunaanibwa

Omulamuzi Jane Frances Abodo ye yagobye okusaba kwa Wamala amanyiddwa Troy ng’agamba nti tamuwadde nsonga ya ggumba lwaki ayagala okuva e Luzira ate n’abantu be yaleese okumweyimirira tebamatiza.

Yagasseko nti n’omusango Troy gw’aliko gwa naggomola ate n’ekkooti gye yatadde okusaba mu kiseera kino si y’entuufu kubanga n’e Ntebe gye yaddizza omusango kkooti eri ku ddaala lya kkooti enkulu (High court) wano kwe kumuwa amagezi ne bannamateeka be okusaba kuno bakukole mu kkooti e Ntbe.

 Tory mu kusooka yabadde asabye kkooti emuyimbule ku kakalu kayo asobole okufuna obujjajabi  era awooze ng’ava bweru.

Wamala agambibwa okutta omuyimbi Radio bwe baafuna obutakanya mu baala ya De- Bar e Ntebe ku ntandikwa y’omwaka guno.