Bobi Wine awandiikidde mikwano gye ebbaluwa

By Musasi wa Bukedde

Bobi Wine asinzidde mu Amerika n’awandiika obubaka nga yeebaza mikwano gye mu nsi yonna okumuwagira n’abategeeza nti yatuuse bulungi era leero lwasuubira okusisinkana abasawo batandike okumwekebejja n’okumujjanjaba.

71c9370cf5004a69a0124e91319bb138 350x210

“Ntwala omukisa okwebaza abantu mwenna abayimiridde naffe mu kiseera kino ekizibu kye tubaddemu.

Nneebaza Katonda olw’okwongera okumpa amaanyi n’obuvumu wakati mu bulumi. Mu kiseera ekitali kyewala, nja kubattottolera byonna bye nzize mpitamu okuva nga August 13, 2018’’.

Bobi Wine bwe yategeezezza ng’ayita ku mukutu gwe ogwa Facebook. Era yeetondedde abaana be: Shalom, Shadrack ne Ssuubi obutadda waka kubeerako nabo mu biseera by’oluwummula n’abasaba bongere okumusabira.