Abavubuka musse ekitiibwa mu bukulembeze lwe mujja okuyita obulungi mu nsi - Nadduli

By Musasi wa Bukedde

Yasinzidde mu lukiiko lw'abavubuka ku kisaawe e Lukomera mu ggombolola y'e Katikamu mu Luweero n'asekerera abavubuka abavuma abakadde nti nabo gye balaga n'abawa amagezi okubeyambisa okubebuzaako kunsonga ez'enjawulo.

Hajinaddulingatuukakumukolokukkonoyerdcwaluweeroalicemuwanguzi 350x210

Bya Samuel Kanyike             

MINISITA atalina mulimu gwa nkalakkalira, Haji Abdul Nadduli asabye abavubuka okussa ekitiibwa mu bakulembeze n'okugondera ebiragiro n'amateeka lwe bajja okuyita obulungi mu nsi. 

Yasinzidde mu lukiiko lw'abavubuka ku kisaawe e Lukomera mu ggombolola y'e Katikamu mu Luweero n'asekerera abavubuka abavuma abakadde nti nabo gye balaga n'abawa amagezi okubeyambisa okubebuzaako kunsonga ez'enjawulo. 

Yabasabye beekolemu ebibiina by'obwegassi, obutanyooma mirimu n'okubaako ebintu bye batandikawo ebivaamu ensimbi gavumenti ebakwatireko bakolerera obukadde bwabwe. 

RDC wa Luweero Alice Muwanguzi yasabye abavubuka okwemalira ku bintu ebibayamba beemalire mu kukola lwe bajja okwesamba ababakozesa okubatwala mu buvuyo obuyinza okubaviirako okusibira mu makomera. 

Kansala w'abavubuka ku lukiiko lwa disitulikiti Victor Nabukenya yasiimye ekibiina kya Heifer International olw'okubategekera omusomo guno n'asaba gavumenti okwongera kunsimbi z'ebawa basobole okwekulaakulanya.