Ayiiridde muka mwana kaamulali mu mbugo lwa musajja

By Musasi wa Bukedde

Namuyomba yagambye nti Nagujja yamuyita bulungi awaka kyokka bwe yagendayo n’amulwanyisa ne muwala we okukkakkana ng’amuyiye tampeko ya kaamulali mu bitundu bye eby’ekyama era na kati alumizibwa ng’abatuuze bagala ave ku kyalo.

Kasozi7 350x210

 

POLIISI y’e Kasangati eyitiddwa bukubirire okutaasa nnyazaala ayiiridde muka mwana kaamulali mu mbugo ng’amuteebereza okumwagalira musajja we.

Bino bibadde ku kyalo Nkolempomye e Kasozi mu Ggombolola y’e Busukuma mu munisipaali y’e Nansana, abatuuze bwe balumbye amaka ga Babirye Naggujja agambibwa okuyiwa tampeko ya kaamulali mu mbugo za Moureen Namuyomba gw’ateebereza okumwagalira bba Shafik Mukasa  ng’ono baamusangirizza waka nga baagala bamwekolereko kyokka bw’alabye abatuuze ne yeesibira mu nnyumba. Kino kibanyiizizza be baagala okukoona ennyumba ye nga wano poliisi w’etuukidde n’ebakkakkanya.

Namuyomba yagambye nti Nagujja yamuyita bulungi awaka  kyokka bwe yagendayo n’amulwanyisa ne muwala we okukkakkana ng’amuyiye tampeko ya kaamulali mu bitundu bye eby’ekyama era na kati alumizibwa ng’abatuuze bagala ave ku kyalo.

Omukwanaganya wa Poliisi n’omuntu waabulijjo ku Poliisi e Kasangati, Sulayiman Sebaggala yasabye abatuuze nti bwe baba baagala okumugoba ku kyalo balina kusooka kuwandiika bbaluwa ng’eriko emikono gy’abatuuze abeemulugunya.