abayimbi bakoze ekibiina okugoba eby'obufuzi mu nsike y'okuyimba

By Martin Ndijjo

Abayimbi Henry Tigan,Buchaman ne Kian Banks bakoze ekibiina n’omulamwa gw’okugoba eby’obufuzi mu kuyimba.

Tg 350x210

ABAYIMBI Henry Tigan ne Buchaman bakoze ekibiina n’omulamwa gw’okugoba eby’obufuzi mu kuyimba.

Ekibiina bakituumye ‘Yut A Yut’ ekivvunnulwa nti omuvubuka asigala muvubuka.

Era nga bali wamu ne Kian Banks bakoze oluyimba ‘Dikuula’ omuli obubaka obuvumira bannabyabufuzi n’abantu abalala abakozesa abavubuka okutuukiriza ebigendererwa byabwe.

Basinzidde mu kulung’aana lwa bannamawulire lwe batuuzizza e Luzira ne bategezza nga ensike y’okuyimba eyolekedde okusaanawo singa ebuutikirwa ebyobufuzi.

Bano bagamba ebyobufuzi bijjudde obukyayi n’empalaana kati tosobola kubireeta mu kuyimba okugatta abantu.

bawadde eky’okulabirako ekya Bebe Cool eyagobeddwa ku siteegi olw’okumulabira mu kifaananyi ky’ebyobufuzi.

Ng’ogyeko abayimbi, bagamba ekibiina kigendereddwamu  kukyusa bavubuka okuva mu mbikolwa by’obumenyi bw’amatteeka n’okubabuulira obutakirizza kukozesebwanga entakera mu bikolwa by’okwekalakasa nti kubanga bino bangi bafuniddeyo ebizibu abalala bangi bali mu makkomera.

“Abavubuka tufuuse kya kukkozesebwa. Wadde ffe abasinga obungi mu ggwanga, bavubuka bannaffe tubakubirizza okweyisa obulungi buli omu lwajja okutuuka ki kirooto kye era tubeere bakozi tuve mu by’okutukozesa mu bintu ebikyamu” Tigan ne Buchaman bwe bagambye.