Kirumira ne by'azze akola ebimufudde owa poliisi ow'enjawulo

By Musasi wa Bukedde

Kirumira yaweerereza ku poliisi ya Kampalamukadde ng’alina ejjinja limu we baamuggya okumuteeka ku poliisi ku kisaawe e Nakivubo.

Kirumiraofice9650430703422 350x210

  • Kirumira yaweerereza ku poliisi ya Kampalamukadde ng’alina ejjinja limu we baamuggya okumuteeka ku poliisi ku kisaawe e Nakivubo.
  • Wano yakolawo okumala ekiseera ne bamuzzaayo ku kitebe e Kampalamukadde.
  • Yalinnyisibwa ku ddaala ne bamusindika e Nakulabye n’afufumya ababbi era eno yavaayo nga yeekokkola nti abagaba ebicupuli bamulimiridde mu bakama be ne bamukyusa.
  • Yasindikibwa e Kikaaya eno gye yataayiriza abavubuka ba Kasolo group era ajjukirwa ng’avuga akagaali ku Northern Bypass ng’agoba ababbi.
  • Oluvannyuma yasindikibwa e Nansana. l Nayo yavaayo ng’ababbi bamwasimula bugolo ne bamuzza mu Kisenyi ku poliisi ya Muzaana.
  • Oluvannyuma yaddizibwa e Nansana kyokka eno yafunirayo ebizibu ne bamuggalira era yasinziira mu kaduukulu e Nsambya n’ayogera n’abaamawulire ku ssimu.
  • Baamusindika n’addayo okutendekebwa e Jinja olwavaayo ne bamusindika e Kasese ku nsalo ya Uganda ne Congo.
  • Yakomezebwawo mu Kampala ng’afunye amayinja asatu n’afuulibwa omuduumizi wa poliisi ya Kampalamukadde gye baamuggye okumutwala e Buyende.
  • Poliisi yamuggulako emisango egyenjawulo n'akwatibwa n'aggalirwa e Nalufenya. Oluvannyuma emisango egisinga gyamuggyibwako era abadde akyogera lunye nti ye tajja kudda mu poliisi agenda kuyingira byabufuzi zeesimbewo avuganye mu kifo ky'omubaka wa Palamenti.