Abasumba ba balokole baabanguddwa mu bukodyo bw’okwekulaakulanya.

By Deo Ganyana

Abasumba ba balokole n'aba LC baabanguddwa mu bukodyo bw’okwekulaakulanya.

Owc 350x210

Lt. Gen. Charles Angina omumyuka w’akulira ekitongole ekivunaanyizibwa ku by’enkulaakulaana ekya ‘Operation Wealth Creation’ (OWC) awadde abantu abaagala okufuna obuyambi okuva mu kitongole kino okwekolamu ebibiina basabe obuyambi bwe beetaga.

Angina okwogera bino abadde asomesa Basumba okuva mu kkanisa z’Abalokole n’abakulembeze okuli aba LC ne bakansala mu musomo gw’olunaku olumu ogubadde ku Tick hotel e Kawempe.

Ng’oggyeko amagezi n’obukodyo bw’abawadde, afubye okubakuutira okuba abeerufu n’okukozesa obulungi ebintu ebibeera basobole okuganyurwamu.

 okuva ku kkono iraje semanda t en ngina ne ranklin ondo ugisha okuva ku kkono; Siraje Ssemanda, Lt. Gen. Angina ne Franklin Mondo Mugisha

 

Agasseko nti gavumenti ng’eyita mu kitongole kya OWC netegefu okuyamba bannaddini abavuddeyo okukyusa embeera yabwe n’ey’abantu basumbaala singa batuukiriza ebisaanyizo ebyetagibwa.

Omusomo guno gutegekeddwa abasumba Siraje Ssemanda owa Rivival Church Bombo ne Franklin Mondo Mugisha nga bayita mu kitongole kya Hands Across The World.

Omusumba Siraje asanyukidde amagezi agabawereddwa Lt. Gen. Angina nakubirizza basumba banne okutandikirawo okwekolamu omulimu  ne mu bantu be basumba basobole okuganyurwa mu pulojekiti za gavumenti okulaba nti bekulaakulaanya.