Abadde akulira essomero lya Namiryango Girls afudde

By Musasi wa Bukedde

Abadde akulira essomero lya Namiryango Girls afudde

Jip2 350x210

REV. Sir. Hilda Tibarindeka abadde akulira essomero lya St. Theresa Namiryango Girls Primary School afudde nga yaakalongoosebwa eddookooli. Sr. Tibarindeka yafudde ku Lwokubiri ekiro, oluvannyuma lw’okulongoosebwa eddookooli. Yafi - iridde Nsambya gye yabadde aweereddwa ekitanda.

Ensonda zaategeezezza nti bwe yabadde tannatwalibwa mu ddwaaliro e Nsambya gye yafi - iridde, waliwo akalwaliro mu Kampala gye yasookedde era ng’eno gye baamulongooserezza wabula ne bitagenda bulungi era n’atatereera.

Embeera bwe yatabuse baamuddusizza mu ddwaaliro e Nsambya embeera gye yatabukidde n’azirika era ng’abadde amaze mu kkoma ennaku ttaano okutuusa lwe yafudde ekiro ekyakeesezza ku Lwokusatu (eggulo).

Sir.Tebarindeka abadde alina sukaali ne puleesa era nga kirowoozebwa nti bino bye byavuddeko obuzibu nga bwe yalongooseddwa embeera yagaanyi okudda mu nteeko okutuusa lwe yafudde.

Diosian Tibaleka omu ku booluganda lwe era ng’akolera ku ssomero ly’e Namiryango gy’abadde asomesa yagambye nti azaalibwa Nyamiyanga mu disitulikiti ye Rubanda. Yakolerako ku ssomero lya St. Patricia Girls Iganga, Namunyama Girls Primary School, St. Joseph Nsambya ne Namiryango gy’abadde yaakamala emyaka munaana.