Amannya g'abantu abalala Rwanda b'esonzeeko n'ebbanga lye bamaze mu busibe

By Musasi wa Bukedde

Rwanda erumiriza Uganda okuyigganya bannansi baayo ng’ebasibira mu bifo ebitali bimu.

Pala 350x210

Olukalala olugambibwa okuba olwa bannansi ba Rwanda abayigganyizibwa mu Uganda olwafulumiziddwa minisita omubeezi wa Rwanda avunaanyizibwa ku mawanga g’obuvanjuba bwa Afrika Oliver Nduhungirehe kwabaddeko Rene Rutagungira agambibwa nti yakwatibwa August 5, 2017 era nti amaze mu nkomyo ennaku 566.

Peter Siborurema agambibwa okukwatibwa nga March 11,2018 ng’amaze ennaku 287 ku kitebe kya bambega ekya CMI, Emmanuel Rwamucyo agambibwa okukwatibwa nga May 26, 2018 amaze mu kkomera e Makindye ennaku 272.

Ono agambibwa nti yakwatibwa lwa misango gyekuusa ku kusangibwa na mmundu.

Austine Rutayisire agambibwa okukwatibwa nga May 26, 2018 naye agambibwa okukwatibwa n’emmundu era ng’ali Makindye gy’amaze ennaku 272.

Abagambibwa okuba ku ku kitebe kya bambega b’amagye (CMI) kuliko Eric Rugorotsi yakwatibwa October 25,2018 ng’amaze mu nkomyo ennaku 120, Benard Kwizera amaze mu nkomyo ennaku 69, David Twahirwa amazeeyo 69, Moses Ishimye eyakwatibwa December 22, 2018 amaze mu nkomyo ennaku 62, Rogers Donn Kayibanda eyakwatibwa January 1, 2019 ng’amaze mu nkomyo ennaku 42, Emmanuel Ndayambaje yakwatibwa January 10, 2019