Eyavuganya ku bukulembeze bw'abayizi e Makerere abuze

By Musasi wa Bukedde

George Muzaale omutuuze w’e Jinja nga ye kitaawe wa Mukisa annyonnyola nti yafuna amawulire g’okubula kwa mutabani we Olwokutaano oluwedde nga May 17, 2019 era ng’okumala ebbanga abadde n’essuubi nti omwana we yandibeera mu mikwano gye nga waakudda essaawa yonna.

1 350x210

BYA PROSSY NABABINGE           

Joshua Mukisa 22, omu ku baavuganya ku bukulembeze bw’abayizi e Makerere omwaka guno abuze mu ngeri etategeerekeka n’aleka  bayizi banne ne bazadde be mu kutya.

Omuyizi ono abadde asoma diguli mu mateeka mu mwaka gwe ogw’okusatu  era ng’abadde asula mu yunivasite munda mu Lumumba Hall.

George Muzaale omutuuze w’e Jinja nga ye kitaawe wa  Mukisa annyonnyola nti yafuna amawulire g’okubula kwa mutabani we Olwokutaano oluwedde nga May 17, 2019 era ng’okumala ebbanga abadde n’essuubi nti omwana we yandibeera mu mikwano gye nga waakudda essaawa yonna.

Agamba nti mutabani we abadde asula ne muyizi munne mu kasenge ke kamu era ng’ono  yabategeezezza nga bwe yakoma okulaba ku munne ekiro ky’Olwokutaano ng’ayingira mwe basula ng’olwo ye agenda kugula kyaggulo wabula nga mu kukomawo, ekisumuluzo we baakitereka w eyakisanga ng’akasenge kaabwe kasibe bulungi wabula nga Mukisa taliimu wadde ng’essimu ye yali agirese munda.

Muzaale annyonnyola nti yabadde n’essuubi okutuusa olunaku lw’eggulo mutabani we bw’atazze kukola bigezo bye.

Bano bagguddewo omusango ku poliisi y’e Makerere ku fayiro; 37/20/05/2019 era basabye yenna aliko ky’amanyi ku mayitire ga Mukisa abayambe.