Engonge egenda kuttunka ne Mpindi leero e Wankulukuku

By Moses Kigongo

Engonge egenda kuttunka ne Mpindi leero e Wankulukuku

Lab2 350x210

Engonge ekyaziza Empindi mu mpaka ze Bika bya Buganda e Wankulukuku olwaleero(Lwakuna) n'ekigendererwa kyokwesasuza ttiimu eno (ey'Empindi) olwokugiwandulira ku luzannya lwa ttiimu 16  mu mpaka za sozini ewedde.

Empindi yawandula Engoge ku mugatte gwa ggooli 6-2 ku luzannya lwe lumu (olwa ttiimu 16 ) ekintu Abengonge abakulembedwa Twaibu Ssemwanga (omutendesi wabwe) kye bagamba nti kyabaswaza nnyo mu maaso g'abawagizi babwe era baagala kwesasuza basobole okubawa essanyu.

Twagala kwesasuza Mpindi olw'okutuswaliza mu maaso g'abawagizi baffe nebatuuka n'okututabukira  mu kisaawe sizoni ewedde era tulina okufiirawo okufuna obuwanguzi okusobola okubawa essanyu n'okubanaazaako ennaku gye twabalabya nga tuttunka ne ttiimu eno,bwatyo Ssemwanga bwe yategeezeza nga ttiimu ye yakamala okutendekebwa ku kisaawe kya Buganda Road eggulo (Lwakusatu akawungeezi).

Mungeri y'emu Banantameggwa b'omwaka oguwedde Abenkima bawangudde Nakinsige ggoolo 1-0 eyateebedwa muyizitasubwa wabwe Robert Ssentongo.

Bano bakudingana ku kisaawe e Buwama nga 22 July 2019 Nakinsige bweneebera eddingana ne Nkima.