AIGP Kasingye asabye abaserikale okweyisa obulungi

By Musasi wa Bukedde

ABASERIKALE basabiddwa okweyisa obulungi nga bakola emirimu gyabwe kuba y’engeri yokka gye bayinza okutuuka ku buwanguzi.

Unity 350x210

Bino byabakubiriziddwa AIGP Asan Kasingye ku mukolo muserikale munne Steven Kalyegira kwe yajagulizza emyaka 40 mu buweereza mu poliisi ng’omukolo gwabadde ku Uganda Museum e Kamwokya.

Kasingye yagambye nti kizibu omuserikale okumala ebbanga mu buweereza n’atabaako nziro kyokka n’atendereza Kalyegira olw’enneeyisa ye ennungi.

Omukolo gwasoose na kusaba okwakulembeddwaamu Rev. Moses Nyombi okuva mu kkanisa ya St. Peters Wandegeya eyakubirizza abantu bulijjo okutambuliranga mu mazima.

Kalyegira ng’ono y’akulira poliisi ya Kira Road yeebazizza bamubeereddewo n’ategeeza nti poliisi ejjuddemu obulippo ne yeebaza Mukama olw’ekisa ky’amukoledde ekimutuusizza ku buwanguzi.