Aba Teddy Naluswa ebya Bugingo okwanjula Suzan bya kifere

By Musasi wa Bukedde

AB’ENKAMBI ya Teddy Naluswa, maama w’abaana ba Bugingo bagambye nti okwanjula Suzan mu nkukutu kabonero kaabufere ne katemba.

Panda1 350x210

 
Amaanyi bagatadde ku musango oguli mu kkooti n’okulaba nga Bugingo asasula ebisale by’abaana abali mu ssomero.
 
“Ebifaananyi bya Suzan ne Bugingo ebisaasaanye tebirina we bitukwatirako kubanga byonna bya kupangirira. Kyokka biyambye ensi okumanya nti Bugingo akkiririza mu bwenzi kubanga omusango gukyali mu kkooti ate adda atya mu kusaasaanya ebifaananyi ng’ali n’abakazi abalala?”
 
Baagambye nti Bugingo bw’aba mwanjulukufu kiki ekyamugaanyi okufukaamirira Suzan e Namboole mu lujjudde nga bwe yasuubiza.
 
Bagambye nti balinze lwa October 22, 2019 omusango lwe guddamu baanike obulimba bwa Bugingo mu maaso g’omulamuzi.