Mube n'omwoyo ogulumirirwa eggwanga lyammwe - Winnie Byanyima

By Musasi wa Bukedde

BANNAYUGANDA basabiddwa okuba n’omwoyo ogulumirirwa eggwanga lyabwe n’okulisabira live mu ddubi ly’enguzi gye litubiddemu.

Manya 350x210

BANNAYUGANDA basabiddwa okuba n’omwoyo ogulumirirwa eggwanga lyabwe n’okulisabira live mu ddubi ly’enguzi gye litubiddemu.

Bino bye bimu ku byabadde mu bubaka bwa Winnie Byanyima bwe yeetabye mu kusaba kwa Ssekukkulu mu Klezia ya Uganda Martyrs e Mbarara.

Byanyima eyabadde ne bba Kiiza Besigye ne mutabani waabwe Anslem, yeebazizza olw’okukwatirako bba mu kaweefube gw’aliko okulwanyisa enkola embi mu ntambuza y’eggwanga n’okumusabiranga okuyita mu makomera gy’asibwa entakera, amasasi ne ttiyaggaasi wa poliisi.

Yabagumizza okukolagana nabo wonna we kyetaagisa okulaba ng’eggwanga lidda ku mulamwa.

Wabula yabasabye okwenyigira mu mirimu eginaabayamba nabo ng’abantu okwekulaakulanya.

Ate Besigye mu kwogera kwe yasabye abantu okwongera okusabira eggwanga ng’agamba nti waliwo akakundi k’abakenuzi abaagala okulittattana.