Gen. Elly Tumwiine azimbye enju amatiribona

By Ali Wasswa

GENERO Elly Tumwine, eyaakalondebwa ku bwa minisita ayingidde enju ye amatiribona esangibwa e Rwemikoma mu disitulikiti y'e Kiruhura ku mukolo kw’afumbirizza n’abaana be.

Gentumwiinehouse1 350x210

Ku mukolo guno yeebazizza Katonda olw’ebyo by’ayiseemu okuli okusimattuka okufi ira mu lutalo lw’e Luweero n’okuttibwa emisota egyamubojja enfunda eziwera era n’atongoza n’okuzimba Ekkanisa mu maka ge okukkaatiriza nti emirimu gy’akola gyonna kuliko n’okubuulira enjiri.

Kyokka yategeezezza nti eky’okubeera minisita kyamusanga ali mu ntegeka za kusiima kuno.

 en umwine ngabuuza ku bagenyi ku mukolo gwokuggulawo ennyumba amatiribona Gen. Tumwine ng'abuuza ku bagenyi ku mukolo gw'okuggulawo ennyumba amatiribona

Tumwine y’akulira ekibiina kya ‘Revival Church’ mu bugwanjuba bwa Uganda.

Omulabirizi wa West Ankole Rev. Johnson Twinomujuni yategeezezza nti abantu batono abasiima Katonda olw’ebyo by’abawadde.

Yasesezza abantu bwe yabuuzizza abasajja oba beebaza bakazi baabwe nga bamaze okulya emmere n’agamba nti bangi beemulugunya lwe batawoomeddwa.

 nju amatiribona en umwine gyazimbye Enju amatiribona Gen. Tumwine gy'azimbye e Rwemikoma mu disitulikiti y'e Kiruhura

Nampala w’ababaka ba NRM mu Palamenti, Ruth Nankabirwa eyakiikiridde Pulezidenti Museveni yatenderezza Tumwine olw’okwetaba mu kuleeta emirembe n’akunga abantu okugikuuma.