Owa Vipers atuukidde mu kutaasa Mmamba

By Moses Kigongo

SSITA wa Vipers SC, Duncan Ssenninde, abeekika kye ekya Mmamba Kakoboza bagambye nti wadde anaaba mukoowu olw’olugendo lw’e Tanzania gy’abadde mu CECAFA, bagenda kumuzannyisa nga battunka n’Embogo.

None 350x210

Leero e Wankulukuku;

Mmamba Kakoboza - Mbogo, 8:00

Ngo - Mpindi, 10:00

Leero, bazzukulu ba Nankere (Mmamba Kakoboza) lwe bubeefuka n’aba Kayiira (Abembogo) mu lusamba olusooka olwa ‘quarter’ z’empaka z’Ebika by’Abaganda.

Ensiike eno eri Wankulukuku. Vipers yakubiddwa Gor Mahia eya Kenya (2-1) ku ‘quarter’ za CECAFA era nga yabadde esuubirwa kukomawo eggulo akawungeezi.

Abakungu ba Kakoboza abakulembeddwa Ssaalongo Henry Kitaka ne ‘Super Lady’ Susan Muwonge, omuvuzi wa mmotoka z’empaka, baagambye nti, “Ssenninde ajja kutuukira mu kisaawe aduumire ttiimu efutize Embogo.”

Yo Embogo egamba nti Nelson Senkatuuka (Bright Stars), Tony Mawejje ne Yunus Sentamu banene nnyo ku Ssenninde.

Nga guno guwedde, bazzukulu ba Muteesaasira (Abengo) baakuttunka n’aba Mazige (Abempindi).