Susan Muwonge yeeweredde abasajja mu Kabalega Rally

By Ismail Mulangwa

Susan Muwonge akyalina essuubi okuwangula engule ya mmotoka z'empaka omwaka guno.

Mbararaweb 350x210

NG'EBULA ennaku 10 abavuzi ba mmotoka z'empaka okuvuganya mu mpaka za Kabalega Rally e Hoima, nnantameggwa wa 2011, Suzan Muwonge alaalise abasajja baavuganya nabo.
 
Muwonge yagambye nti ayagala kwongera kulaga basajja nti akyalina ennyonta y’engule gye yasemba okuwangula emyaka musanvu emabega.
 
“Ekifo mwendi ku ngule y'eggwanga si kibi kuba nkyasobola okuyisa abankulembedde," Muwonge bwe yagambye.
 
Mwonge ali mu kyakusatu n’obubonero 240. Jas Mangat yaakulembedde ku bubobonero 305 ng’addiriddwa Ronald Ssebuguzi (290).
 
Empaka zino zaakuvugibwa ku buwanvu bwa kiromita 286, nga 186 ze z’okuvuganyizibwako.Omwaka oguwedde zaawangulwa Hassan Alwi.