Munnakenya yeddiza engule ya Afrika

By Nicholas Kalyango

Baryan ne Drew Sturrock (amusomera maapu), basoose kwefuga lunaku lusooka (Lwamukaaga) nga tannamegga banne ng’olugendo lwa kiromita 207.78 yaluvugidde essaawa 1:42:16.

Manvir3 350x210

1. Manvir Baryan/Drew Sturrock 1:42:16

2. Randeep Birdi/Zunair Piradina 1:48:49

3. Kleevan Gomes /Ezra Gomes 1:53:25

4. Tufail Amin/Victor Jackson   1:54:23

5. Harinder Deere /Awdh Bafadhi 1:54:46

6. Leroy Gomes /Riyaz Latife 1:56:16

6. Leroy Gomes /Riyaz Latife 1:56:16

7. Pierro Cannobio/Masina Palitta 1:56:21

NG’EBULA empaka za mulundi gumu ku kalenda y’engule ya Afrika mu mmotoka z’empaka (ARC), Munnakenya Manvir Baryan yeddiza engule eno bwe yawangudde empaka za ‘Tanzanian Rally’ ezaabaddewo ku Lwomukaaga ne Ssande.

Baryan ne Drew Sturrock (amusomera maapu), basoose kwefuga lunaku lusooka (Lwamukaaga) nga tannamegga banne ng’olugendo lwa kiromita 207.78 yaluvugidde essaawa 1:42:16. Empaka zeetabiddwaamu abavuzi 27 wadde nga 8 bokka be baabadde bavuganya ku ARC.

 aryan ku kkono nomusomi wa maapu we turrock ku ddyo ngababuuza ku pulezidenti wa  usman kee Baryan (ku kkono) n'omusomi wa maapu we Sturrock (ku ddyo) ng'ababuuza ku pulezidenti wa FMU, Dusman Okee

Bwe babadde basinga okubeera ku mbiranye ku ngule eno, Munnakenya munne, Pierro Cannobio, yakutte kyamusanvu.

 ierro annobio ku ddyo ne asina alitta amusomera maapu be babadde basinga okuvuganya ne aryan ku ngule ya frika Pierro Cannobio (ku ddyo) ne Masina Palitta amusomera maapu be babadde basinga okuvuganya ne Baryan ku ngule Afrika.

 

Ku kalenda ya ARC ey’omwaka guno, Baryan awangudde empaka za mirundi ena okuli; ez’e Zambia, South Afrika, Uganda (Pearl of Africa Rally) n’e Tanzania. Engule yagiwangulidde ku bubonero 100 nga kati mu mpaka z’e Rwanda eziggalawo kalenda omwezi ogujja ne bw’atavuga.