Kampala University yeesasuzza Nkumba mu za Yunivasite

By Musasi wa Bukedde

OMUTENDESI wa K.U Titi Kamara olwesasuzza Nkumba ne ggoolo 2-1, n’alabula St.Lawrence ne Busitema z’asigazzaayo okwesiba bbiri.

Shafikkimbogoowankumbangagezaakookuteebakippawaku 350x210

Bya GERALD KIKULWE

K.U 2-1 Nkumba

K.U yazze mu mupiira guno ng’eyagala buwanguzi okutangaaza emikisa gy’okwesogga “Quarter”oluvannyuma lw’okufuna obubonero 3 bwokka mu kitundu kya sizoni ekyasooka nga kati basigazza kukyaza SLU ku Villa Park n’okukyalira Busitema.

Nkumba yakuba KU mu gwasooka ggoolo 3-1 wabula ku mulundi guno Kampala University yagaanye ejjoogo lya Nkumba.

“Okuviirako ku “Quarter” sizoni ewedde kyankola bubi nnyo, sizoni eno ngenda kulwana okusukkuluma era be sinnaba kuzannya benyweze,” Kamara bwe yaweze.

KU abaakawangula ekikopo kya Pepsi University League emirundi ebiri kati bawezezza obubonero 6 mu kifo eky’okubiri emabega wa SLU abakulembedde n’obubonero 10 mu kibinja B.