Omuzibizi wa Arsenal akubye ebituli mu bukodyo bwa Wenger

By Musasi wa Bukedde

Twayingiranga ekisaawe nga tetulina notisi kwe tuzannyira k'ebeere ttiimu nnene oba ntono

Wenger 350x210

OMUZIBIZI wa Arsenal, Hector Bellerin alumbye eyali omutendesi we, Arsene Wenger nti obukodyo bwe bwali bufu nnyo.

Bellerin, ow’emyaka 23, agamba nti mu kiseera kino nga bali wansi w’omutendesi Unai Emery, gye balaga balabayo era ebintu bijja kutereera.

Arsenal, yakubwa emipiira ebiri egyasooka okuli ogwa Man City 2-0 ssaako Chelsea (3-2) kyokka Bellerin agamba nti nagyo baabakubira mu maanyi.

“Ku mulembe guli, omutendesi yabasindikanga mu kisaawe nti muzannye nga talina notisi z’abawadde k’ebeere ttiimu nnene oba ntono.

“Mu kiseera kino, tuyingira nga tulaba bwe tugenda okukwatamu omulabe,” Bellerin bwe yagambye.

Arsenal yawangula West Ham (3-1) ne Cardiff (3-2) era ku Lwomukaaga, baakuttunka ne Newcastle.