Cahill akooye bbenci

By Musasi wa Bukedde

Aston Villa, y'emu ku ttiimu ezaagala okugula Cahill kyokka eno ya Championship nga ye ayagala kuzannyira mu Premier.

Chelseacahill 350x210

GARY Cahill, 32, ayolekedde okusiibula Chelsea oluvannyuma lw'okubulwa ennamba etandika mu ttiimu eno wansi w'omutendesi Maurizio Sarri.


Aston Villa, y'emu ku ttiimu ezaagala okumugula kyokka ng'eno ya Championship nga ye ayagala kuzannyira mu ttiimu ya Premier. Wakati nga tennatereera, ManU y'eyinza okumulowoozaako wabula ku myaka 32,akuliridde.


Sizoni eno, Cahilla tannatandikayo mupiira gwonna ku egyo 6 egyakazannyibwako mu Premier ng'omukisa gwe yafunye wiikendi ewedde, yayingiziddwa mu ddakiika ya 21 bwe baabadde bagwa amaliri ne West Ham.


Sarri, asinga kukozesa David Luiz  kyokka nga Andreas Christensen, y'asooka okulowoolezebwako singa kooci anoonya omuzannyi ow'okuyingiza.
Cahill, yaakawangula ebikopo 6 ne Chelsea kyokka era ye kapiteeni.