Nkumba yeeddizza ekikopo kya liigi ya volleyball

By Musasi wa Bukedde

Nkumba ekyabinuka masejjere oluvannyuma lw'okweddiza ekikopo kya liigi ya volleyball

Nkumbaweb 350x210

 

Ndejje 2-3 NKUMBA (Bakazi)

ESSANYU n’amaziga katono bitte abazannyi ba Nkumba nga beddiza ekikopo kya Aziz Damani National Volley Ball League ku Lwomukaaga,  ku  MTN Arena e Lugogo.

Fayinolo zino zaggulwawo ku Lwokusatu lwa wiiki ewedde  Nkumba n’ewangula ensisinkano eyasooka ku nzannya 3-0 (25-21,25-14 ne 25-16) wabula mu nsisinkano eyookubiri Ndejje yalemeddeko, ne beenkanya enzannya 2-2. (25-17,25-12,22-25,23-25. Kino kyawalirizza ddiifiri okubongerayo oluzannya lwa bugoba 15, Nkumba n’ewangula (15-11).

Guno gw’abadde mulundi gwakubiri nga Nkumba esisinkana Ndejje ku fayinolo. Baasemba kwesanga mu 2016, Ndejje n’ewangula  enzannya  2-0, ku ssatu ze baali balina okuzannya.

 bazannyi ba dejje nekikopo Abazannyi ba Ndejje n'ekikopo

 

Tony Jakony atendeka Nkumba yatenderezza obumalirivu abazannyi be bwe baayolesezza n’omutima omuwanguzi eby’abasobozesezza okusitukira mu kikopo kya sizoni eno.

Kino kye kikopo kya Nkumba ekyomukaaga bukya liigi eno etandika mu  1999.

Nkumba ne Ndejje zaakukiikirira Uganda mu mpaka za ‘African Women Volleyball Championship’ omwaka ogujja.