Mayanja atandise okusomesa abaana obukodyo bw'omupiira

By Moses Kigongo

EYALIKO ssita wa KCC FC ne Cranes, Jackson Mayanja 'Mia Mia' atandise okusomesa abaana obukodyo bw'omupiira.

Boozi 350x210

Agambye nti essira agenda kulissa ku baana okumanya okusiba omupiira n'okugugaba wamu (akawoowo) n'okusala ng'ekigendererwa kya Bannayuganda kuddamu kunyumirwa mupiira baddemu okujjumbira okulaba emipiira naddala egya liigi ya babinywera.

Mayanja eyawangula ebikopo ebingi mu KCC (kati KCCA FC) ne Cranes omwali ne CECAFA, yasangiddwa eggulo e Namboole ng'abangula abaana obukodyo bw'omupiira omuli n'okugutomera.

Bakira ayigiriza abaana okusiba endiba, okuwa bannaabwe paasi mu bwangu n’okukuba ennyanda mu katimba.

Yabasomesez“Nsazeewo okutandika okutendeka n’okuyigiriza bamusaayimuto obukodyo obunaabafuula abazannyi ab'enjawulo mu mupiira gwa Uganda kubanga nkizudde nga bangi abali mu liigi ne Cranes nga babulamu obukodyo obugunyumisa eri abawagizi," Mayanja eyazannyirako Al Masry ne Esperance bwe yategeezezza.

Abaana bano bali mu akademi y'omupiira gye yatuumye Mia Mia Soccer Arcademy.