Abeebikonde beebugira mpaka za ggwanga

By Musasi wa Bukedde

Ttiimu z'ebikonde ez'enjawulo ziri mu keetalo nga zeetegekera okwetaba mu mpaka za National Boxing Open Championship ku Lwomukaaga

Babuweb 350x210

BYA FRED KISEKKA

Kiraabu ez’enjawulo zeebugira mpaka za National Boxing Open Championship ez’omwaka guno, ezitandika ku Lwomukaaga  ku MTN Arena e Lugogo.

William Buyondo, akulira akakiiko akategesi mu kibiina ky’ebikonde mu ggwanga ekya UBF, yagambye nti ku mulundi guno boongedde ebinnonnogo mu mpaka zino, era abawagizi basuubire okulaba ebikonde ebinyuvu.

“Tulinze ffirimbi yokka. Empaka zaakubeeramu ebbugumu kuba abazannyi abasinga bazze balinnyisa omutindo,” Buyondo bwe yategeezezza.

Empaka zigenda kwetabwamu kiraabu ez’enjawulo okuli; Lukanga, UPDF, East Coast, COBAP, KBC, Police, KCCA n’endala.

KCCA ye yasemba okuziwangula mu 2017 lwe zaasemba okuzannyibwa. Omwaka oguwedde tezaaliyo olw’okusika omuguwa okwali mu bakungu ba UBF ab’enjawulo.