Aboomusu n'Omutima Omuyanja baneegera eryanyi

By Moses Kigongo

Ttiimu ya Nnabagereka wa Buganda, ey'Omusu, n'eya Katikkiro ey'Omutimba Omuyanja zaakwegera eryanyi mu maaso ga Ssaabasajja mu ziggulawo emipiira gy'Ebika bya Buganda

Mutimaweb 350x210

TTIIMU ya Nnabagereka wa Buganda, Sylivia Nnagginda, ey'Omusu, n’eya Kattikiro Charles Peter Mayiga (ey'Omutima Omuyanja), zaakuttunkira mu maaso ga Ssaabasajja, ku mukolo gw'okuggulawo emipiira gy’Ebika bya Buganda omwaka guno.

Olukiiko olutegeka empaka zino,  ne minisita w'ebyemizannyo e Mmengo, Henry Kiberu Ssekabembe, be baatuuse ku kukkaanya kuno nga batema empenda ku ngeri ez'omwaka guno  gye zigenda okuddukanyizibwamu.

Omupiira oguggulawo gwe gumu ku gisuubirwa okubeerako abawagizi abangi kuba ng’oggyeeko eky’abantu okwagala okulaba ku Ssaabasajja, bajja kuba baagala okulaba anaamegga munne, wakati wa Nnabagereka ne minisita w’ebyettaka ne Bulungibwansi, Mayanja Nkalubo  (Abomusu), ne  Katikkiro Mayiga, Ow’omutima Omuyanja .

“Ssaabasajja yasiimye okulabikako eri Obuganda ku mukolo gw’okuggulawo empaka z’Ebika bya Buganda wakati w'abazzukulu b'Omutaka Kakeeto ab'Omutima Omuyanja, n'aba Nkalubo Abomusu, era tukunga abantu okujja mu bungi,” Ssekabembe bwe yategeezezza.

Obululu obulala bukwatibwa ku Mmande (April 15), mu kkooti ya Kisekwa, e Mmengo, sso ng’empaka zisuubirwa okutandika nga May 11.