Ttiimu y'ebikonde eyongeddwaamu obukodyo

By Musasi wa Bukedde

Ttiimu y'eggwanga eyeebikonde eyongeddwa obukodyo obunaagisobozesa okuwangula emidaali mu mizannyo gya Afrika

Bomberswebnew 350x210

Bya Fred Kisekka

TTIIMU y’eggwanga ey’ebikonde eyongedde okwekkiririzaamu bwe bagyogedde obukodyo n’enkuba empya, nga yeetegekera  emizannyo gya Afrika

The Bombers amakanda yagakuba mu kkomera e Luzira, era eyali ssita wa Uganda mu kuggunda eng’uumi, Solo Musa Batantu, y’omu ku baatwaliddwaayo okwongera okuwa abazannyi obukodyo.

Batantu, mu kiseera kino atendeka kiraabu ya Round 10 mu Dubai, yeegattiddwaako Meddie Hassan Mulandi, eyali mu mitambo gya The Bombers mu mpaka za ‘Africa Boxing Championship’ e Congo Brazaville mu 2017 n’ewangula emidaali esatu; ogwa zaabu n’egya feeza ebiri.

 “Ebikonde ffenna bye byatulera era nasazeewo nkomewo eka mbeeko ettofaali ly’enteeka ku ttiimu y’eggwanga. Mmaze emyaka ebiri nga ntendekera e Dubai, era ndi mugumu nti obukodyo, okuzannyisa sipiidi n’okukasuka eng’uumi enzito bye nnyongedde mu bazannyi, bigenda kubayamba” Batantu bwe yagambye.

Shadir Musa, kapiteeni wa The Bombers yagambye nti obukodyo bwe baafunye bugenda kubayamba okukukumba emidaali mu mizannyo gya Afrika, egigenda okubeera e Morocco  mu kibuga Rabat, wakati wa August 19 ne 31.