URA emalidde mu kyakutaano mu za Super 8

By Musasi wa Bukedde

URA FC ewangudde Wakiso Giants mu mpaka za Pilsner Super 8

Urawebnew 350x210

Mu Pilsner Super 8

Wakiso 4 (2)- (2) 2 URA

URA FC ewangudde Wakiso Giants  ggoolo 4-2 eza peneti, n’emalira mu kyokutaano, mu mpaka za Pilsner Super 8. Mu ddakiika 90 baasoose kulemagana 2-2.

Empaka zino ze ziggya abantu ekifu  ku maaso nga liigi y’eggwanga eya 'StarTimes Uganda Premier League' tannatandika. Zeetabwamu ttiimu mukaaga ezaakulembera liigi sizoni ewedde, n’ebbiri ezasuumusibwa okuva mu Big League.

KCCA FC ne Vipers ze zaatuuse ku fayinolo ezannyibwa ku Ssande eno (August 25), era KCCA ewera kuddamu kusitukira mu kikopo kye yawangula sizoni ewedde.

Ttiimu ezeetabye mu  mpaka zino kuliko; KCCA, Vipers, Onduparaka, Mbarara City, URA, Wakiso Giants, Proline ne Tooro United.