Abaana abava mu bitundu by'omugotteko bajuniddwa

By Stephen Mayamba

Abaana abava mu bitundu by'omugotteko balabuddwa kutumbua ttalanata zaabwe

Slumweb 350x210

 

ABAANA n’abavubuka ababeera mu bitundu by’omugotteko mu munisipaali y’e Nakawa basambira mabega nga jjanzi oluvannyuma lw’ekibiina ekiddukanya omupiira mu Bulaaya ekya UEFA okubawa ebikozesebwa mu mupiira.

Aba UEFA nga bayita mu kitongele kyabwe ekigaba obuyambi ekya UEFA Foundation baawadde abaana emipiira, obutimba, emijoozi, engatto n’ebintu ebirala ebikozesebwa mu kutendekebwa. Baabiyisizza  mu kibiina kya Aliguma Foundation ekyabibakwasizza mu kaggulawo empaka za ‘Acholi Quarters Slum Soccer Tourament’.

Empaka zino, ezaatandise ku Lwomukaaga, zeetabiddwamu ttiimu 24 okuva e Naggulu, Mbuya ne Nakawa era ng’omuwanguzi wakuweebwa sseddume w’ente.

 baana bomu bitundu bya choli uarters nga bali nebimu ku bintu ebyabawereddwa Abaana b'omu bitundu bya Acholi Quarters nga bali n'ebimu ku bintu ebyabaweereddwa

 

“ Mukuume empisa, mubeeraa bayonjo ate munnyikize emizannyo kubanga musobola okugyeyambisa a okuyitimuka n’okukyusa embeera z’obulamu bwammwe,” Rita Aliguma, akulira Aliguma Foundation bwe yabakuutidde ng’abakwasa ebintu bino.

Abakulira Abato Schools ne Shepherd House Junior School, baawaddeyo sikaala 20 eri abaana okuva mu kitundu kya Acholi quarters okutandika n’omwaka ogujja.