Paasita akoze embaga ya bukadde 500 n'asasamaza ekibuga Kampala

By Musa Ssemwanga

EMBAGA eyamazeewo obukadde obusoba mu 500 yasasamaza ekibuga. Eno yabadde ya Musumba Jimmy Luka n'omukyala Blessing Elizabeth Mulungi.

Wawa 350x210

EMBAGA eyamazeewo obukadde obusoba mu 500 yasasamaza ekibuga. Eno yabadde ya Musumba Jimmy Luka n'omukyala Blessing Elizabeth Mulungi.

Luka musumba mu Kkanisa ya Kakande eya Synagogue Church of All Nations e Mulago.

Abagole baatambulidde mu mmotoka ez'ebbeeyi okuli Hummer, Ford ne Tundra.

Abagole bano abaabadde bakulemberwa ddigi baaleese akalippagano ku mmotoka.

Abagole baagattiddwa Omusumba Jimmy Woyila mu Kkanisa ya Synagogue Church of All Nations e Mulago.

Oluvannyuma baagabudde abagenyi baabwe abaasobye mu 1500 ku wooteeri ya Africana mu kisenge kya Nile Hall.

Yeetabiddwaako Omusumba Ronnie Mackbay, Ssaalongo Kasawuli (Samona), Edward Ssesanga, Pastor Mondo Mugisha Wilson, Sarah Nkonge n'ababaka ba palamenti ab'enjawulo.

Abayimbi okuli; Irene Ntale, King Saha ne Dr. Hilderman be bamu ku baasanyusizza abagenyi.