Ekivvulu ky’omuyimbi Tarrus Riley kisaziddwaamu

By Musasi wa Bukedde

EKIVVULU ky’omuyimbi Tarrus Riley kisaziddwaamu. Bannayuganda abawagizi b’omuyimbi Omujamica enzaalwa ya Amerika, Tarrus Riley n’abanyumirwa emiziki gya reggae basigadde bannyogoze oluvannyuma lw’okufuna amawulire g’okusazibwamu kw’ekivvulu kye.

P01br7lf 350x210

Tarrus Riley kafulu w’okuyimba ennyimba za reggae abadde alina okuyimba leero (December 1) ku Cricket Oval e Lugogo kyokka okusinziira ku kiwandiiko ekyafulumiziddwa aba Red Fog, bapulomota b’ekivvulu bategeezezza nga bwe kyasaziddwaamu ne kyongezebwayo mu March 2018 oluvannyuma lw’okusaba okwakoleddwa omu ku ba siponsa abataddemu ssente ng’ayagala bongere okukiranga n’okulaba nga kinnyikira mu bantu.

Ng’oggyeko abawagizi ba Tarrus wano mu ggwanga ababadde beesunga okumulabako naye abadde yeesunga kutuukako Kampala era ng’ayita ku mukutu gwe ogwa Facebook wiiki ewedde yawandiise ng’agamba nti ekirooto kye okutuukako e Kampala kituukiridde.

Ezimu ku nnyimba za Tarrus Riley mulimu; Just the Way You Are, She’s Royal, Gimme Likkle One Drop, Don’t Come Back, Sorry is a Sorry Word n’endala.