Wooloolo bbebi wange nkwataako...

By Musasi wa Bukedde

DJ olwasuddemu oluyimba lwa David Lutalo, ‘Wooloolo’ ebyana ne bisaanuuka.

Wata 350x210

Baasituse mu butebe ne batandika okunyeenya obubina n’okutiguka ng’abamu bwe bazina nga basoomooza abasajja.

Abasajja bwe baawulidde ebigambo ‘‘Wooloolo...bbebi wange nkwataako...’ ne bamanya nti ddiiru ewedde.

Baatandise okunyonyoogera ebyana ebyabadde bibasala mu maaso, okubikwata ku bubina nga bwe babisika nga babisembeza gye bali nga n’abawala manya abakazi bwe basembera nga bawanika emikono nga balinga abagamba nti, ‘‘wamma ebyange byonna nkuwadde twala’’.

Baabadde mu ndongo eyategekeddwa mu kifo ekisanyukirwamu e Masaka ekya Tevern Kick e Kyabakuza mu Masaka ku wiikendi.