Aba Ebonies bali Bungereza bategeka kipya

By Musasi wa Bukedde

BANNAKATEMBA aba Ebonies bali Bungereza mu kibuga London okuwummulako n’okufuna obukodyo obupya obw’okwongera mu muzannyo gwabwe.

Lolo 350x210

Nga tebannasitula, Sam Bagenda (Dr. Bbosa) omu ku babakulembeddemu yategeezezza nti “Tumaze emyezi egiwerako nga tukola kumpi buli lunaku nga tetufuna kuwummulako ne tusalawo tugendeko e London era tugenda kudda n’omuzannyo gwaffe omupya ‘London Quagmire” ogutongozebwa ku Theater Labonita nga twezizza buggya.

Leero ku Lwomukaaga bategese okulaga Bannayuganda ababeera mu London ebiri mu muzannyo guno ogwa London Quagmire ku Royal Regency Hall ne bagamba nti kuno kwegezaamu nga bwe bategeka okugutongoza nga October 13 ne 14 ku Theater Labonita amangu ddala nga baakadda.

Omuzannyo guno ogwa London Quagmire, Dr. Bbosa yagambye nti gukwata ku butali butebenkevu obuli buli wamu ne mu maka.