Sweet Cool ayogedde engeri gye basuula abayimbi ne bava ku maapu

By Musasi wa Bukedde

Mwana mulenzi Sweet Cool (Brian Kyobe) ayimbye ku ngeri abayimbi gye bagwa ne bava ku maapu.

An1 350x210

Mwana mulenzi Sweet Cool (Brian Kyobe) ayimbye ku ngeri abayimbi gye bagwa ne bava ku maapu.

Mu luyimba lwe olupya amenya amannya g’abayimbi abamu abakola ennyimba ezaakwatayo ne ziyatiikirira kyokka nga kati bw’obanoonya tobalaba.

Bayimbi banne abawulidde ku luyimba luno baatandise dda okumwewerera. Sweet Cool nzaalwa ye bugerere naye ng’abeera Makindye ku luguudo lwa kakembo.

Yatandikira mu kugegeenya nnyimba za Bobi wine mu kariyoki. Awo we yava okukola ennyimba ezize gamba nga; Mbookya, Mulembe ki, Mu ndongo, n’endala.

Mu kiseera kino alina oluyimba olupya olulabika okumuzaalira obuzibu mu bayimbi banne.

Oluyimba yalutuumye ‘Ani Yabaloga?’ era yamenye abayimbi abatakyalina nnyimba zicamula bantu okuli; Rocky Giant, Queen Florence, Abdu Mulaasi, Mariam Tina tiine, Gnl Zamba, Angella Kalule, n’abalala bangi.

Mu luyimba luno annyonnyola engeri abayimbi gye ‘beeroga’ buli omu ng’ayagala okusinga munne.