Ow'e Mayuge - Busoga awangudde obwannalulungi 2018/19

By Martin Ndijjo

“Ekitiibwa n’ettendo mbiddiza Mukama Katonda ansobozesezza okuwangula. Era neebaza bazadde bange olw’obuwagizi bwe bampadde. Abawala bwe tuvuganyizza ffena tubadde balungi mu buli kimu era buli omu ng’asuubira okuwangula, kale nze okusukkulumako zibadde nteekateeka za Mukama,” bwatyo Quiin Abenakyo 22, omuyizi ku MUBS, alindiridde okutikkirwa diguli mu (Business Computing) bwe yategeezezza Bukedde

Wasa 350x210

“Ekitiibwa n’ettendo mbiddiza Mukama Katonda ansobozesezza okuwangula. Era neebaza bazadde bange olw’obuwagizi bwe bampadde. Abawala bwe tuvuganyizza ffena tubadde balungi mu buli kimu era buli omu ng’asuubira okuwangula, kale nze okusukkulumako zibadde nteekateeka za Mukama,” bwatyo Quiin Abenakyo 22, omuyizi ku MUBS, alindiridde okutikkirwa diguli mu (Business Computing) bwe yategeezezza Bukedde amangu ddala nga yaakalangirirwa ku buwanguzi bwa Miss Uganda 2018/2019 ku mukolo ogwabadde ku Serena Hotel Abenakyo era yawangudde n’engule ya nnalungi abantu gwe baalonze abasingidde (Miss Popularity) nga bayita ku mikutu gya yintaneti egy’enjawulo.

Yabakubidde wala naddala mu kwogera nga tatya n’engeri bakira gy’addamu ebibuuzo n’obukugu. Agenda kukiikirira Uganda mu mpaka z’obwannalulungi b’ensi yonna (Miss World) ezigenda okubeera mu China.

Abenakyo muwala wa Charles Ssendeba ne Alice Kyamulesire era azaalibwa Mayuge mu Busoga.

Yaddiriddwa Tyra Margach 20, ate owookusatu ye Martha Aheebwa 20.

Nga tebanaba kulangira muwanguzi Zari yasoose kunnyonnyola ebintu bitaano kwe baasinzidde okulonda omuwanguzi omuli; empisa, ebitone, obusoobozi okubaako ky’okola, endabika ssaako obukugu mu kuddamu ebibuuzo.