Martin Sseku entujjo y'okujaguza emyaka 20 mu kuyimba agitutte ku Serena

By Musasi wa Bukedde

MARTIN Sseku omuyimbi w’ennyimba z’eddiini asoosootodde ekivvulu mwagenda okuyimbira ennyimba ze eziryowa omwoyo.

Pamba 350x210

Ekivvulu kino akituumye “20 years of Sseku Martin in Gospel Music” nga kyakubeera ku Serena Hotel nga September 8, 2018.

Agenda kuyimba ennyimba ze zonna zaatadde ku lutambi lumu lwayise “Classics of Sseku Martin”.

Ekisaawe ky’okuyimba akimazeemu emyaka 20 ng’alina ennyimba ezisukka mu 100 okuli: Kkoona endongo ya Yesu, Siritya, Mbala nnaku n’endala.

Ezimu zirimu obubaka obulagira abantu okwagala Katonda, okutambulira mu kusaba n’okwenenya, okugumya abantu abali mu bizibu kubanga Katonda yasinga.