Omusajja namukoowa lwa bukodo

By Musasi wa Bukedde

NZE Catherine Nyabulu 21, mbeera Kasokoso. Nafuna omwami gwe nnayagala okuzaama naye kyambuukako bwe yatandika okukyusa embeera.

United1 350x210

Nabeera n’omwami wange ono nga tubeera Tooro gye twali tupangisa omuzigo gwaffe muno nga mwe tuliira obulamu.

Namala ne baze emyaka etaano ne muzaalira n’omwana nga kati wa myaka ena.

Baze bwe twali tukkaanya era nga twesuubiza ebintu eby’enjawulo ate yakyuka.

Yatandika okuyombanga okwa buli kiseera n’obutagula bintu bya waka ate nga ssente azirina.

Obutayagala kumpa bikozesebwa kyampisizza ddala bubi kubanga y’emu ku nsonga ezantabulira ddala ne ntuuka n’okumuviira.

Olunaku lwe nava ewuwe, twakeera kufunamu obutakkaanya ng’obuzibu buva ku kugaana kundekerawo ssente za kugula mmere ate nga nange nnali sikola.

Wano omwami ono olw’ensonyi ennyingi ye yakwatibwa busungu ng’atandika kunkuba.

Awo nange we nnasibiramu ebyange ne nkwata n’omwana wange ne muviira.

Kati omwana atuusizza okusoma naye tampa buyambi wadde fi izi z’omwana.